နွားကွဲ လျှင် အမဲသားဖြစ် မည်(ရခိုင်နိုင်ငံရေး ပါတီ နှင့် နိုင်ငံရေး သမား များ သို့)

သားငယ်သည် အဖကို တမ်းတ၊ မျှော့်လင့်သကဲ့သို့ ရခိုင်လူထုသည် တစုံတရာကို မျှော်လင့် ခဲ့ ကြသည်၊ တမ်းတ ခဲ့ကြသည်၊ လိုချင် ခဲ့ကြသည်။ ရာစုနှစ် များစွာ ခိုကိုးရာမဲ့ ကြေကွဲ ခဲ့ကြရသော ဒါဏ်ရာများ ၊ နာကျင် မှုများ၊  ရွှေရောင် အနာဂတ်ကို တမ်းတခဲ့ကြသည်။  ခေတ်အဆက်ဆက် အကြိမ်ကြိမ် အခါခါ မှန်းချက် နဲ့ နှမ်းထွက် မကိုက်ခဲ့ ကြ။ ခဲမှန် ဖူးသော ငှက်သူငယ် ကဲ့သို့ ရခိုင်တို့၏ မျှော်မှန်းချက် ကျီးလန့်စာ စား ဘ၀ဖြစ်နေခဲ့သည်။ မည်သည့် အရာကို ယုံကြည်ရမည်မသိ။ အမျိုးစစ်မှ အမျိုးချစ်မည် ဆိုသည်က ရခိုင်တို့ ၏ တစ်ခုတည်းသော မျော်လင့်ချက်။ နောက်ဆုံး အားကိုးရာ ။

၂၀၁၀ ခုနှစ် ရခိုင်တို့၏ စိတ်ဓါတ်ကို အပီအပြင် ပြသခဲ့သည်။စည်းလုံးခဲ့ကြသည်။ ယုံကြည်မှု အပြည့်နှင့် ပုံအောခဲ့သည် ။ အောင်မြင်မှုများ နှင့် ရခိုင်တို့၏ မျှော်မှန်းချက် ရွှေရောင် လွမ်းခဲ့ သည်။ ရခိုင်လူထု၏ ယုံကြည်မှု မဲပြားကလေးများနှင့် ရခိုင်ပြည်နယ် ၀န်ကြီးများ၊ လွှတ်တော်အမတ်များ ဖြစ်လာခဲ့ကြသည်။ လိုအပ်ချက်များ၊ အားမလို အားမရမှု များစွာနဲ့ ယနေ့ထိ ခြောက်လှန့် နေဆဲ။ သို့သော် ရခိုင်လူထုက အားကိုး ယုံကြည်နေကြဆဲ ၊ မျှော်လင့်ချက်ထားနေကြဆဲ။

ရခိုင်ပြည်သူ လူထုအတွင်း အမျိုးမျိုးသော သတင်းများ နှင့် ဖြစ်ရပ်အမျိုးမျိုး ကြားလာရသည်။ ကျွန်တော်တို့ သည် နိုင်ငံရေးသမား လဲမဟုတ် တော်လှန်ရေးသမားလဲမဟုတ်။ သို့သော် အမျိုးစစ်မှ အမျိုးချစ်မည် ဆိုသည်ကိုတော့ သိသည်။ ပုထုစဉ် ဖြစ်နေသမျှ ကာလပတ်လုံး အတ္တ နှင့် ကင်းနိုင်မည့်သူ ရှိမည်မဟုတ် ။ကျွန်တော်သည် မိမိကို ကျွေးမွေးစောင့် ရှောက်သော အမိကို ချစ်သည်၊ အဖကို ချစ်သည် အမျိုးကို ချစ်သည် ၊ မွေးရပ်ဇာတိ ချက်မြုပ်ရွာကို ချစ်သည်။ ဤသည်မှာ ထူးဆန်းသော ကိစ္စမဟုတ်  ဖြစ်ရိုးဖြစ်စဉ် ဓမ္မာတာ ပင် ဖြစ်သည်။ ဗမာသည် ဗမာကို ချစ်မည်၊ ဗမာ့ အကျိုးကို လုပ်မည်။ ရခိုင်သည် ရခိုင်ကို ချစ်မည် ရခိုင့်အကျိုးကို လုပ်မည်။ဤသည်မှာ ယခုလည်း မှန်နေသည် နောင်ကိုလည်း မှန်နေ မည့် စကားဖြစ်သည် ။ ဘူးပင်မှ ဘူးသီးသာ သီးရိုးထုံးရှိသည် ခရမ်းသီး သီးရိုး မရှိ ၊ ဘူးပင်မှ ခရမ်းသီးသီး ရန် ထင်မြင်ယူဆနေသူ တို့ သည် ငပေါများသာ ဖြစ်ပေလိမ့်မည် ။ မိမိ ၏ ၀မ်းဝမှ သူများ ၏၀မ်းကို ကြည့်နိုင်မည် မဟုတ်ပါလား။

ALD မှတ်ပုံတင်တော့မည်တဲ့။ နိုင်ငံရေး ကို သိလို့တော့ မဟုတ်သို့သော် ယေဘုယကောက်ချ ဆွဲ၍ ကျွန်ုပ်ရင်လေးမိ၏။ ၁၉၉၀ ရွှေးကောက်ပွဲကို မမှတ်မိ ၍ ပေလော့။ အဘယ့်ကြောင့် ရခိုင်တို့ သွေးစည်း ညီညွတ်ရေးကို မရှေးရှု ကြသနည်း။ ရခိုင့် အကျိုးကို ဆောင်ရွက်လိုသည် ဆိုလျှင် ရခိုင့်အကျိုးကိုသာ ကြည့် သင့်သည်မဟုတ်ပါလား။ အဘယ့်ကြောင့် ပါတီစွဲ ၊ မူဝါဒ အစွဲများ ထားရှိနေကြသနည်း ။ ရခိုင်ပြည်သူတို့ ဘ၀ တိုးတက် ၊လူနေမှု ဘ၀ ဖုံလုံရေးသည်သာ အဓိက မဟုတ်ပါလား ။

ခိုကိုးရာမဲ့ နီရေ ကျွန်တော်ရို့ ရခိုင်ပြည်သူရို့ အဖြစ်

         

ကြားရပြန်ပြီ NLD ပါတီ ရခိုင်ပြည်နယ် မြို့ များ တွင် ဖွင့်လှစ်တော့ မည်ဆိုပဲ။ အမှန်တကယ် ဖြစ်လာဖို့ ဘက်များနေသည် ။ NLD ပါတီ ၏ မဲဆွယ် စည်းရုံးမှု များကို တွေ့လာရသည် ။ တချို့ က စိတ်ဝင်စားကြသည် ။ တချို့ က အလေးထား ကိုးကွယ်ကြသည် ။ ရခိုင်တို့ တွက် အကောင်းလား အဆိုးလား ဆိုသည် ကို တော့ စာဖတ်သူတို့ သိကြပေလိမ့်မည် ။ဤသို့ ဆိုလျှင် ရခိုင်ပြည်သူလူထု တို့ အပိုင်းပိုင်း ပိုင်းခံရတော့ မည်မှာသေ ချာသည်။ ရခိုင်မြေပေါ်တွင် ရခိုင်အချင်းချင်း ဝေစုလုကြတော့မည် ။ ရခိုင်ပြည်သူတို့ စိုးရိမ်ပူပန် နေကြရပြီ။ ရာစုနှစ်ချိ အလီလီ နာကျင် ခဲ့ရသော အဖြစ်များကို မေ့ဖျောက်ခဲ့ကြပြီလော့ ။  ဤတစ်ကြိမ်တွင်လည်း ပျားရည် နှင့် ပင် ၀မ်းချခံကြရတော့မည်လော။ မိမိတို့ ဆုပ်ကိုင်ထားသော မူဝါဒ အစွဲ များနှင့် ရခိုင်ပြည်သူ တရပ်လုံး၏ နှလုံးသားကို စတေးပစ်ကြတော့ မည်လော့ ၊မျှော်လင့်ချက်များ ကို ကြက်ခြေ ခတ်ပစ်ကြတော့မည်လော့။ ငသံဒေ သည် မိမိပြုခဲ့သော အမှုကို မှားသည်ဟု ထင်မြင် ခဲ့လိမ့်မည်မဟုတ် ၊ မှန်သည်ဟုထင်သော အရာကို သူလုပ်သွားခဲ့သည်။ သူ မှန်သည်ထင် ပြီးပြုလုပ်ခဲ့သော အမှုသည် ရခိုင်သမိုင်းတွင် အဖက်ဆည်မရနိုင်သော ဆုံးရှုံးမှုကြီး ကိုဖြစ်စေပြီး ၊ ငသံဒေ သည်လည်း ရခိုင်လူမျိုးတို့ အတွက် စက်ဆုပ် ရွှံ့ ရှာ ဖွယ် သစ္စာဖောက် တစ်ယောက်အဖြစ် သမိုင်းတွင်လာခဲ့သည် ။ဤသည်ကို သင်ခန်းစာ ယူသင့်သည် ။

နွားကွဲလျှင် အမဲသား ဖြစ်မည် ဆိုသည်ကိုတော့ ကြားဖူးကြပေလိမ့်မည် ။အမဲသား ဖြစ်လျှင်တော့ အမဲသား ကြိုက်သော လဒ တို့ အတွက် မဆလာ ခတ်ပြီး သားပင်ဖြစ်သွားပေလိမ့်မည်။

ဆရာကြီးများ ကို ဆရာလုပ်ခြင်းမဟုတ်ပါ .. လောဘအမှောင်စီး သွားမည် ဆိုလျှင် တော့ ဆရာကြီး ကနေ အရာ ကြီးများ ဖြစ်သွား ကြပေလိမ့်မည် ..၀မ်းဟာ နီရေ ရခိုင်ပြည်သူတိ ကိုထည့်တွက် ကတ်ပါလို့ ..ငလုံးမှ တောင်းဆိုချင်ပါရေ ။

Advertisements

ပြောချင်စွာတိရှိကေ ဒေမှာထားခပါ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s